The Perfection of Wisdom in Eighteen Thousand Lines
F.263.a
།ཀཽ་ཤི་ཀ་གང་སྟོང་པ་ཉིད་ལ་མི་སློབ་པ་དེ་ནི་གཉིས་སུ་དབྱེར་མེད་པར་སྟོང་པ་ཉིད་ལ་སློབ་པ་ཡིན་ནོ། །དེ་ནི་གཉིས་སུ་དབྱེར་མེད་པར་གཟུགས་སྟོང་པ་ཉིད་ལ་སློབ་པ་ཡིན་ནོ། །དེ་བཞིན་དུ་དེ་ནི་གཉིས་སུ་དབྱེར་མེད་པར་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སློབ་པ་ཡིན་ནོ། །ཀཽ་ཤི་ཀ་གང་གཉིས་སུ་དབྱེར་མེད་པར་གཟུགས་སྟོང་པ་ཉིད་ལ་སློབ་པ་དང་། གཉིས་སུ་དབྱེར་མེད་པར་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སློབ་པ་དེ་ནི་གཉིས་སུ་དབྱེར་མེད་པར་སྦྱིན་པའི་ཕ་རོལ་ཏུ་ཕྱིན་པ་ལ་ཡང་སློབ་པ་ཡིན་ནོ། །དེ་བཞིན་དུ་གཉིས་སུ་དབྱེར་མེད་པར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡང་སློབ་པ་ཡིན་ནོ། །གཉིས་སུ་དབྱེར་མེད་པར་ནང་སྟོང་པ་ཉིད་ལ་ཡང་སློབ་པ་ཡིན་ནོ། །དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་ཡང་སློབ་པ་ཡིན་ནོ། །དེ་ནི་གཉིས་སུ་དབྱེར་མེད་པར་དྲན་པ་ཉེ་བར་གཞག་པ་རྣམས་ལ་སློབ་པ་ཡིན་ནོ། །གཉིས་སུ་དབྱེར་མེད་པར་ཡང་དག་པར་སྤོང་བ་རྣམས་དང་། རྫུ་འཕྲུལ་གྱི་རྐང་པ་རྣམས་དང་། དབང་པོ་རྣམས་དང་། སྟོབས་རྣམས་དང་། བྱང་ཆུབ་ཀྱི་ཡན་ལག་རྣམས་དང་། ལམ་རྣམས་ལ་སློབ་པ་ཡིན་ནོ། །དེ་ནི་གཉིས་སུ་དབྱེར་མེད་པར་སྟོབས་བཅུ་དང་། མི་འཇིགས་པ་རྣམས་དང་། སོ་སོ་ཡང་དག་པར་རིག་པ་རྣམས་དང་། སངས་རྒྱས་ཀྱི་ཆོས་མ་འདྲེས་པ་རྣམས་ལ་སློབ་པ་ཡིན་ནོ། །དེ་ནི་གཉིས་སུ་དབྱེར་མེད་པར་རྒྱུན་དུ་ཞུགས་པའི་འབྲས་བུ་ལ་སློབ་པ་ཡིན་ནོ། །ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་དང་། རང་སངས་རྒྱས་ཉིད་དང་། སངས་རྒྱས་ཉིད་དང་། རྣམ་པ་ཐམས་ཅད་མཁྱེན་པ་ཉིད་ལ་སློབ་པ་ཡིན་ནོ། །གཉིས་སུ་དབྱེར་མེད་པར་སངས་རྒྱས་ཉིད་དང་། རྣམ་པ་ཐམས་ཅད་མཁྱེན་པ་ཉིད་ལ་སློབ་པ་དེ་ནི། སངས་རྒྱས་ཀྱི་ཆོས་གྲངས་མེད་དཔག་ཏུ་མེད་པ་རྣམས་ལ་སློབ་པ་ཡིན་ནོ། །གང་སངས་རྒྱས་ཀྱི་ཆོས་གྲངས་མེད་དཔག་ཏུ་མེད་པ་རྣམས་ལ་སློབ་པ་དེ་ནི་གཟུགས་འཕེལ་བར་བྱ་བ་དང་།
།ཀཽ་ཤི་ཀ་གང་སྟོང་པ་ཉིད་ལ་མི་སློབ་པ་དེ་ནི་གཉིས་སུ་དབྱེར་མེད་པར་སྟོང་པ་ཉིད་ལ་སློབ་པ་ཡིན་ནོ། །དེ་ནི་གཉིས་སུ་དབྱེར་མེད་པར་གཟུགས་སྟོང་པ་ཉིད་ལ་སློབ་པ་ཡིན་ནོ། །དེ་བཞིན་དུ་དེ་ནི་གཉིས་སུ་དབྱེར་མེད་པར་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སློབ་པ་ཡིན་ནོ། །ཀཽ་ཤི་ཀ་གང་གཉིས་སུ་དབྱེར་མེད་པར་གཟུགས་སྟོང་པ་ཉིད་ལ་སློབ་པ་དང་། གཉིས་སུ་དབྱེར་མེད་པར་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སློབ་པ་དེ་ནི་གཉིས་སུ་དབྱེར་མེད་པར་སྦྱིན་པའི་ཕ་རོལ་ཏུ་ཕྱིན་པ་ལ་ཡང་སློབ་པ་ཡིན་ནོ། །དེ་བཞིན་དུ་གཉིས་སུ་དབྱེར་མེད་པར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡང་སློབ་པ་ཡིན་ནོ། །གཉིས་སུ་དབྱེར་མེད་པར་ནང་སྟོང་པ་ཉིད་ལ་ཡང་སློབ་པ་ཡིན་ནོ། །དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་ཡང་སློབ་པ་ཡིན་ནོ། །དེ་ནི་གཉིས་སུ་དབྱེར་མེད་པར་དྲན་པ་ཉེ་བར་གཞག་པ་རྣམས་ལ་སློབ་པ་ཡིན་ནོ། །གཉིས་སུ་དབྱེར་མེད་པར་ཡང་དག་པར་སྤོང་བ་རྣམས་དང་། རྫུ་འཕྲུལ་གྱི་རྐང་པ་རྣམས་དང་། དབང་པོ་རྣམས་དང་། སྟོབས་རྣམས་དང་། བྱང་ཆུབ་ཀྱི་ཡན་ལག་རྣམས་དང་། ལམ་རྣམས་ལ་སློབ་པ་ཡིན་ནོ། །དེ་ནི་གཉིས་སུ་དབྱེར་མེད་པར་སྟོབས་བཅུ་དང་། མི་འཇིགས་པ་རྣམས་དང་། སོ་སོ་ཡང་དག་པར་རིག་པ་རྣམས་དང་། སངས་རྒྱས་ཀྱི་ཆོས་མ་འདྲེས་པ་རྣམས་ལ་སློབ་པ་ཡིན་ནོ། །དེ་ནི་གཉིས་སུ་དབྱེར་མེད་པར་རྒྱུན་དུ་ཞུགས་པའི་འབྲས་བུ་ལ་སློབ་པ་ཡིན་ནོ། །ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་དང་། རང་སངས་རྒྱས་ཉིད་དང་། སངས་རྒྱས་ཉིད་དང་། རྣམ་པ་ཐམས་ཅད་མཁྱེན་པ་ཉིད་ལ་སློབ་པ་ཡིན་ནོ། །གཉིས་སུ་དབྱེར་མེད་པར་སངས་རྒྱས་ཉིད་དང་། རྣམ་པ་ཐམས་ཅད་མཁྱེན་པ་ཉིད་ལ་སློབ་པ་དེ་ནི། སངས་རྒྱས་ཀྱི་ཆོས་གྲངས་མེད་དཔག་ཏུ་མེད་པ་རྣམས་ལ་སློབ་པ་ཡིན་ནོ། །གང་སངས་རྒྱས་ཀྱི་ཆོས་གྲངས་མེད་དཔག་ཏུ་མེད་པ་རྣམས་ལ་སློབ་པ་དེ་ནི་གཟུགས་འཕེལ་བར་བྱ་བ་དང་།
eKangyur, UT4CZ5369-I1KG9155-0000, page 525 (263a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh10/UT22084-029-001-11904#UT22084-029-001-11904