The Perfection of Wisdom in Eighteen Thousand Lines
F.238.b
དེ་ལ་འཇིག་རྟེན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཞེ་ན། ཚེ་དང་ལྡན་པ་ཤཱ་རིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བདག་གིས་སེར་སྣའི་སེམས་ཚར་བཅད་དོ། །ཞེས་དམིགས་པ་ལ་གནས་ནས་སྦྱིན་པ་སྦྱིན་པར་བྱེད་དེ། དེ་ཡང་བདག་དང་། སེམས་ཅན་དང་། སྦྱིན་པའི་འདུ་ཤེས་ལ་གནས་ཤིང་། དེ་བདོག་པ་ཐམས་ཅད་ཡོངས་སུ་གཏོང་སྟེ། དམིགས་པ་ལ་གནས་ནས། ཕྱི་དང་ནང་གི་དངོས་པོའམ། ཟིན་པའམ། མ་ཟིན་པའམ། ཅི་བདོག་པ་ཐམས་ཅད་ཡོངས་སུ་གཏོང་བ་དང་། དེ་སྦྱངས་པའི་ཡོན་ཏན་ལ་གནས་ཤིང་། ལུས་དང་། ངག་དང་སེམས་ཀྱི་དམིགས་པ་ལ་གནས་ཏེ། བདག་ཏུ་ལྟ་བ་ལ་གནས། སེམས་ཅན་དུ་ལྟ་བ་དང་། དགེ་བར་ལྟ་བ་ལ་གནས་ཤིང་། ཚུལ་ཁྲིམས་དང་། དགེ་བ་བཅུའི་ལས་ཀྱི་ལམ་དེ་དག་ལ་བསྟེན་པ་ཚུལ་ཁྲིམས་དག་སེམས་ཅན་ཐམས་ཅད་དང་ཐུན་མོང་དུ་བྱས་ཤིང་བྱང་ཆུབ་དམིགས་ནས། དམིགས་པའི་ཚུལ་གྱིས་བྱང་ཆུབ་ཏུ་ཡོངས་སུ་བསྔོ་བ་དང་། དེ་བདག་ལ་སྟོད་ཅིང་གཞན་ལ་སྨོད་པ་དང་། བདག་དང་སེམས་ཅན་དང་། བཟོད་པར་ལྟ་བ་ལ་གནས་ཤིང་། སེམས་ཅན་ཐམས་ཅད་ཀྱིས་ཉེས་པར་བྱས་པ་བཟོད་པར་བྱེད་ལ། དགེ་བའི་རྩ་བ་དེ་ཡང་སེམས་ཅན་ཐམས་ཅད་དང་ཐུན་མོང་དུ་བྱས་ནས། དམིགས་པའི་ཚུལ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བ་དང་། དེ་ལུས་དམིགས་ཤིང་། བསོད་ནམས་ཀྱི་ཚོགས་དམིགས་ལ། ཡེ་ཤེས་ཀྱི་ཚོགས་དམིགས་ཤིང་། བདག་དམིགས་ལ་སེམས་ཅན་རྣམས་དམིགས་ཏེ། བྱང་ཆུབ་དམིགས་ཤིང་བརྩོན་འགྲུས་རྩོམ་སྟེ། དེ་བརྩོན་འགྲུས་རྩོམ་པ་དེས་རློམ་སེམས་སུ་བྱེད་པ་དང་། དེ་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་སྒོམ་པར་བྱེད་ཅིང་། བསམ་གཏན་རྣམས་དང་། མངོན་པར་ཤེས་པ་རྣམས་དང་། ཏིང་ངེ་འཛིན་རྣམས་དང་། སྙོམས་པར་འཇུག་པ་རྣམས་ལ་ཡང་སྙོམས་པར་འཇུག་ལ། ལྡང་བར་ཡང་བྱེད་ཅིང་། དེ་དག་གི་རོ་མྱོང་བར་ཡང་བྱེད་ལ། དེ་དག་གིས་རློམ་སེམས་སུ་ཡང་བྱེད་ཅིང་།
དེ་ལ་འཇིག་རྟེན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཞེ་ན། ཚེ་དང་ལྡན་པ་ཤཱ་རིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བདག་གིས་སེར་སྣའི་སེམས་ཚར་བཅད་དོ། །ཞེས་དམིགས་པ་ལ་གནས་ནས་སྦྱིན་པ་སྦྱིན་པར་བྱེད་དེ། དེ་ཡང་བདག་དང་། སེམས་ཅན་དང་། སྦྱིན་པའི་འདུ་ཤེས་ལ་གནས་ཤིང་། དེ་བདོག་པ་ཐམས་ཅད་ཡོངས་སུ་གཏོང་སྟེ། དམིགས་པ་ལ་གནས་ནས། ཕྱི་དང་ནང་གི་དངོས་པོའམ། ཟིན་པའམ། མ་ཟིན་པའམ། ཅི་བདོག་པ་ཐམས་ཅད་ཡོངས་སུ་གཏོང་བ་དང་། དེ་སྦྱངས་པའི་ཡོན་ཏན་ལ་གནས་ཤིང་། ལུས་དང་། ངག་དང་སེམས་ཀྱི་དམིགས་པ་ལ་གནས་ཏེ། བདག་ཏུ་ལྟ་བ་ལ་གནས། སེམས་ཅན་དུ་ལྟ་བ་དང་། དགེ་བར་ལྟ་བ་ལ་གནས་ཤིང་། ཚུལ་ཁྲིམས་དང་། དགེ་བ་བཅུའི་ལས་ཀྱི་ལམ་དེ་དག་ལ་བསྟེན་པ་ཚུལ་ཁྲིམས་དག་སེམས་ཅན་ཐམས་ཅད་དང་ཐུན་མོང་དུ་བྱས་ཤིང་བྱང་ཆུབ་དམིགས་ནས། དམིགས་པའི་ཚུལ་གྱིས་བྱང་ཆུབ་ཏུ་ཡོངས་སུ་བསྔོ་བ་དང་། དེ་བདག་ལ་སྟོད་ཅིང་གཞན་ལ་སྨོད་པ་དང་། བདག་དང་སེམས་ཅན་དང་། བཟོད་པར་ལྟ་བ་ལ་གནས་ཤིང་། སེམས་ཅན་ཐམས་ཅད་ཀྱིས་ཉེས་པར་བྱས་པ་བཟོད་པར་བྱེད་ལ། དགེ་བའི་རྩ་བ་དེ་ཡང་སེམས་ཅན་ཐམས་ཅད་དང་ཐུན་མོང་དུ་བྱས་ནས། དམིགས་པའི་ཚུལ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བ་དང་། དེ་ལུས་དམིགས་ཤིང་། བསོད་ནམས་ཀྱི་ཚོགས་དམིགས་ལ། ཡེ་ཤེས་ཀྱི་ཚོགས་དམིགས་ཤིང་། བདག་དམིགས་ལ་སེམས་ཅན་རྣམས་དམིགས་ཏེ། བྱང་ཆུབ་དམིགས་ཤིང་བརྩོན་འགྲུས་རྩོམ་སྟེ། དེ་བརྩོན་འགྲུས་རྩོམ་པ་དེས་རློམ་སེམས་སུ་བྱེད་པ་དང་། དེ་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་སྒོམ་པར་བྱེད་ཅིང་། བསམ་གཏན་རྣམས་དང་། མངོན་པར་ཤེས་པ་རྣམས་དང་། ཏིང་ངེ་འཛིན་རྣམས་དང་། སྙོམས་པར་འཇུག་པ་རྣམས་ལ་ཡང་སྙོམས་པར་འཇུག་ལ། ལྡང་བར་ཡང་བྱེད་ཅིང་། དེ་དག་གི་རོ་མྱོང་བར་ཡང་བྱེད་ལ། དེ་དག་གིས་རློམ་སེམས་སུ་ཡང་བྱེད་ཅིང་།
eKangyur, UT4CZ5369-I1KG9155-0000, page 476 (238b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh10/UT22084-029-001-11855#UT22084-029-001-11855