The Chapter on Lifting Restrictions
F.225.b
།ངག་གི་རྣམ་པར་རིག་བྱེད་ཀྱིས་འབུལ་ན་དགག་དབྱེ་ཕུལ་བ་ཞེས་བྱའོ། །ལུས་ཀྱི་རྣམ་པར་རིག་བྱེད་དང་། ངག་གི་རྣམ་པར་རིག་བྱེད་ཀྱིས་འབུལ་མི་ནུས་ན་དགེ་འདུན་ཐམས་ཅད་དེར་དོང་བར་བྱའོ། །ཡང་ན་དགེ་སློང་དེ་དགེ་འདུན་གྱིས་ནང་དུ་བླང་བར་བྱའོ། །དགེ་འདུན་ཐམས་ཅད་དེར་མ་དོང་ངམ། དགེ་སློང་དེ་དགེ་འདུན་གྱིས་ནང་དུ་མ་བླངས་ཏེ། མ་ཚོགས་པར་དགག་དབྱེ་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་དགག་དབྱེ་འབུལ་བས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །ངས་དགག་དབྱེ་ལེན་པའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགག་དབྱེ་ལེན་པའི་དགེ་སློང་གིས་དགག་དབྱེ་བླངས་ནས་བརྒྱུག་པར་མི་བྱ། མགྱོགས་པར་མི་བྱ། མཆོང་བར་མི་བྱ། ཕྱི་རོལ་དུ་མཆོང་བར་མི་བྱ། འོབས་ལ་མི་བྱ། བང་རིམ་ལ་མཆོང་བར་མི་བྱ། སྟེང་གི་ནམ་མཁའ་ལ་འདུག་པར་མི་བྱ། མཚམས་ཀྱི་ཕྱི་རོལ་དུ་འགྲོ་བར་མི་བྱ། གོམ་པ་གཅིག་གིས་སྐས་ཀྱི་གདང་བུ་གཉིས་ལ་འཛེག་པར་མི་བྱ། གོམ་པ་གཅིག་གིས་སྐས་ཀྱི་རིམ་པ་གཉིས་ལ་གཟེག་པར་མི་བྱ། གཉིད་ལོག་པར་མི་བྱ། སྙོམས་པར་འཇུག་པར་མི་བྱའོ། །གཉིད་ལོག་གམ། སྙོམས་པར་ཞུགས་ན་རྒྱུ་གཉིས་ཀྱིས་སྨད་པར་འགྱུར་ཏེ། ངོ་ཚ་མེད་པ་གང་ཡིན་པ་དང་། ཁྱད་དུ་བསད་པ་གང་ཡིན་པའོ། །གང་གི་ཚེ་དགེ་འདུན་གྱི་གནས་བརྟན་གྱིས་ཚེ་དང་ལྡན་པ་དག་མ་ལྷགས་པ་རྣམས་ཀྱི་འདུན་པ་དང་ཡོངས་སུ་དག་པ་བརྗོད་ཅིག །བརྗོད་པ་ཡང་རིག་པར་གྱིས་ཤིག་ཅེས་སྨྲས་པ་ན། དེས་དགེ་སློང་དྲུང་ན་འདུག་པའི་འདུན་དུ་འདུག་སྟེ། ཚེ་དང་ལྡན་པ་དགོངས་སུ་གསོལ། གནས་ག་གེ་མོ་ཞིག་ན་དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་ཞིག་གནས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ལ། དགེ་སློང་དེའི་ཡང་དགག་དབྱེ་བཅོ་ལྔ་པ་ལགས་ཏེ། དགེ་སློང་མིང་འདི་ཞེས་བགྱི་བ་དེ་དགེ་འདུན་བཙུན་པ་རྣམས་ལ་མཐོང་བ་དང་། ཐོས་པ་དང་། དོགས་པའི་གནས་གསུམ་གྱིས་དགག་དབྱེ་བགྱིད་དེ། དགག་དབྱེ་བརྗོད་དོ།
།ངག་གི་རྣམ་པར་རིག་བྱེད་ཀྱིས་འབུལ་ན་དགག་དབྱེ་ཕུལ་བ་ཞེས་བྱའོ། །ལུས་ཀྱི་རྣམ་པར་རིག་བྱེད་དང་། ངག་གི་རྣམ་པར་རིག་བྱེད་ཀྱིས་འབུལ་མི་ནུས་ན་དགེ་འདུན་ཐམས་ཅད་དེར་དོང་བར་བྱའོ། །ཡང་ན་དགེ་སློང་དེ་དགེ་འདུན་གྱིས་ནང་དུ་བླང་བར་བྱའོ། །དགེ་འདུན་ཐམས་ཅད་དེར་མ་དོང་ངམ། དགེ་སློང་དེ་དགེ་འདུན་གྱིས་ནང་དུ་མ་བླངས་ཏེ། མ་ཚོགས་པར་དགག་དབྱེ་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་དགག་དབྱེ་འབུལ་བས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །ངས་དགག་དབྱེ་ལེན་པའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགག་དབྱེ་ལེན་པའི་དགེ་སློང་གིས་དགག་དབྱེ་བླངས་ནས་བརྒྱུག་པར་མི་བྱ། མགྱོགས་པར་མི་བྱ། མཆོང་བར་མི་བྱ། ཕྱི་རོལ་དུ་མཆོང་བར་མི་བྱ། འོབས་ལ་མི་བྱ། བང་རིམ་ལ་མཆོང་བར་མི་བྱ། སྟེང་གི་ནམ་མཁའ་ལ་འདུག་པར་མི་བྱ། མཚམས་ཀྱི་ཕྱི་རོལ་དུ་འགྲོ་བར་མི་བྱ། གོམ་པ་གཅིག་གིས་སྐས་ཀྱི་གདང་བུ་གཉིས་ལ་འཛེག་པར་མི་བྱ། གོམ་པ་གཅིག་གིས་སྐས་ཀྱི་རིམ་པ་གཉིས་ལ་གཟེག་པར་མི་བྱ། གཉིད་ལོག་པར་མི་བྱ། སྙོམས་པར་འཇུག་པར་མི་བྱའོ། །གཉིད་ལོག་གམ། སྙོམས་པར་ཞུགས་ན་རྒྱུ་གཉིས་ཀྱིས་སྨད་པར་འགྱུར་ཏེ། ངོ་ཚ་མེད་པ་གང་ཡིན་པ་དང་། ཁྱད་དུ་བསད་པ་གང་ཡིན་པའོ། །གང་གི་ཚེ་དགེ་འདུན་གྱི་གནས་བརྟན་གྱིས་ཚེ་དང་ལྡན་པ་དག་མ་ལྷགས་པ་རྣམས་ཀྱི་འདུན་པ་དང་ཡོངས་སུ་དག་པ་བརྗོད་ཅིག །བརྗོད་པ་ཡང་རིག་པར་གྱིས་ཤིག་ཅེས་སྨྲས་པ་ན། དེས་དགེ་སློང་དྲུང་ན་འདུག་པའི་འདུན་དུ་འདུག་སྟེ། ཚེ་དང་ལྡན་པ་དགོངས་སུ་གསོལ། གནས་ག་གེ་མོ་ཞིག་ན་དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་ཞིག་གནས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ལ། དགེ་སློང་དེའི་ཡང་དགག་དབྱེ་བཅོ་ལྔ་པ་ལགས་ཏེ། དགེ་སློང་མིང་འདི་ཞེས་བགྱི་བ་དེ་དགེ་འདུན་བཙུན་པ་རྣམས་ལ་མཐོང་བ་དང་། ཐོས་པ་དང་། དོགས་པའི་གནས་གསུམ་གྱིས་དགག་དབྱེ་བགྱིད་དེ། དགག་དབྱེ་བརྗོད་དོ།
eKangyur, UT4CZ5369-I1KG9127-0000, page 450 (225b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh1-3/UT22084-001-003-566#UT22084-001-003-566