གསོ་སྦྱོང་གི་གཞི།

The Chapter on the Restoration Rite
F.219.a

Poṣadhavastu
F.219.a, volume 1, Degé Kangyur

ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ་གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །​འདི་ལྟ་སྟེ་གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་གློ་བུར་དུ་འོངས་པ་བཞིའམ་ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང་། གཉུག་མར་གནས་པའི་རྟགས་དང་། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་ཁར་བའི་སྒྲ་དང་། རྟིང་སྒྲ་དང་། སྐད་སེལ་བའི་སྒྲ་དང་། ལྡེ་མིག་གི་སྒྲ་དང་། ལྡེ་མིག་ཀྱོག་པོའི་སྒྲ་དང་། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཆོས་མ་ཡིན་པའི་འདུ་ཤེས་ཅན་མི་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ་གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་མི་མཐུན་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །​འདི་ལྟ་སྟེ་གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་གློ་བུར་དུ་འོངས་པ་བཞིའམ་ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་

eKangyur, UT4CZ5369-I1KG9127-0000, page 437 (219a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh1-2/UT22084-001-002-2020#UT22084-001-002-2020